Дневен 5 минутен антистрес ритуал

Многумина го прифаќаат стресот како нормален дел од секојдневниот живот, без разлика дали е предизвикан од долги листи на дневни задачи, напорен распоред полн со безброј фамилијарни обврски, неплатени сметки, или најверојатно комбинација од сите три.

Истражувањата покажуваат дека во текот на изминатата деценија се забележува голем пораст на здравствени проблеми поврзани со менталното здравје, како што се стресот и анксиозноста. Истражување спроведено од страна на Американското психолошко здружение покажува дека 31% од испитаниците забележале зголемување на нивото на стрес во 2016 и 2017 година, додека 20% пријавиле дека се под екстремен стрес.

Други испитувања покажуваат дека со прифаќање на тоа како се чувствуваш почнува да се намалува емоционалниот импакт. Оваа постапка од 7 чекори е дизајниран да ве води низ патување на самопроверка, процесирање на сопствените емоции и ослободувањето од нив.

Следете ги овие седум едноставни чекори за да го обучите вашиот ум како да ве ослободи од загриженоста, да добиете нова перспектива за работите околу вас и да се чувствувате посреќни за само неколку минути на ден.

ЧЕКОР 1: САМОПРОВЕРКА

Како се чувствуваш: Возбуден? Несигурен? Отфрлен? Среќен? Под стрес? Во паника? Со скршено срце? Бесен? Тажен? Првиот чекор до побистар ум е да ја препознаете емоцијата што ја чувствувате. Запаметете, не постои негативна емоција, сите емоции се моментални и не се трајни.

ЧЕКОР 2: ДИШИ

Бавно, непречено дишење е најбрзиот и најлесен начин да се смири вашиот одговор на стресот кој го чувствувате и да го активирате вашиот систем за одмор и релаксација во само неколку секунди.

ЧЕКОР 3: ЗАПИШИ И ОСЛОБОДИ СЕ

Ова е вашиот момент за да ја расчистите гужвата во вашата глава и да ги ослободите  мислите или чувствата што ги доживувате. Без оглед на тоа за каква емоција станува збор, запишете зошто се чувствувате вака: Што се случува? Зошто си под стрес? Што се случи да те налути? Запиши го првото нешто што ти паѓа на ум. Водењето дневник ја активира компјутерската страна на вашиот мозок која помага да се смири емотивниот центар што дополнително ви помага да ги избистрите вашите мисли. Дали напишавте? Сега искинете ја хартијата. Ослободете ја емоцијата.

ЧЕКОР 4: ЗА ШТО СТЕ БАЛГОДАРНИ

Пренасочете се: Што имате? За што може да бидете благодарни? Активирајте ги вашите хормони на среќа едноставно со пишување на листа на благодарност. Овој дел од рутината е за фокусирање на позитивното бидејќи е лесно да се заборават добрите работи во нашите животи (особено кога сме под стрес или вознемирени). Напиши нешто или некој што го прави твојот живот подобар. За што сте благодарни денес?

ЧЕКОР 5: ВРЕМЕ Е ЗА ИГРА

Сега е време да се опуштите. Отргнете се со мислите преку некоја брза мини игра или друга креативна активност. Нацртајте го вашето среќно место или насмеано лице. Решете судоку, крстозбор или поиграјте некоја игричка на вашиот телефон. Слушајте ја омилената песна и потпевнувајте си.

ЧЕКОР 6: СОЧУСТВУВАЈ

Сменете ја вашата перспектива на согледување на работите преку вежби за сочувство што предизвикуваат ослободување на допамин и ja поттикнуваат самодоверба. Изберете еден од следниве  предизвици:

  • Денес простете на некој - не ви е потребен тој дополнителен багаж.
  • Што би му кажал на твојот пријател доколку се чувствува како што вие се чувствувате сега?
  • Дозволи некој да знае дека го цениш.
  • Време на самољубие: Дајте си комплимент на самиот себе.

ЧЕКОР 7: ПОЗИТИВНИ ВИБРАЦИИ

Што може да направите за некој друг? Студиите покажауваат дека оние лица кои најмногу мислат на другите се посреќни. Ова е вашиот момент да ставите позитивен печат на нечиј ден.  Без оглед на тоа како се чувствуваме, ние секогаш имаме моќ да направиме некој друг да се чувствува подобро. Направете го тоа со испраќање на порака со позитивна мисла.